URRC

ᒥᑦᓵᓄᑦ ᑲᑎᒪᕕᐅᔫᑉ

ᓄᓇᕗᒻᒥ ᐆᒻᒪᖅᑯᑎᓄᑦ ᐊᑭᓕᐅᑎᐅᕙᑦᑐᓄᑦ ᕿᒥᕐᕈᓂᕐᒧᑦ ᑲᑎᒪᔩᑦ

ᑭᓇᒃᑯᑐᐃᓐᓇᕐᓄᑦ ᐆᒻᒪᖅᑯᑎᖃᖅᑎᑦᓯᓂᕐᒧᑦ ᒪᓕᒐᖅ, ᑎᒍᔭᐅᑐᐃᓐᓇᕐᓂᑰᓪᓗᓂ ᓄᓇᑦᓯᐊᕐ− ᒥᐅᓂᒃ, ᐃᓇᖏᖅᑕᐅᓚᐅᖅᓯᒪᔪᖅ ᐆᒻᒪᖅᑯᑎᓄᑦ ᐊᑭᓕᐅᑎᐅᕙᒃᑐᓄᑦ ᕿᒥᕐᕈᓂᕐᒧᑦ ᑲᑎᒪᔨᓄᑦ (URRC) ᒪᓕᒐᕐᒧᑦ ᒫᑦᓯ 29, 2001ᒥ. ᑖᓐᓇ ᒪᓕᒐᖅ (URRC) ᓄᐊᑕᐅᓂᑰᔪᖅ ᐃᓚᐅᖅᑐᖅᓱᒍ ᓇᑭᑐᐃᓐᓈᖅᑐᓂᒃ ᑲᓇᑕᒥ. ᓴᓇᔭᐅᓯᒪᔪᖅ ᓄᓇᕗᒻᒧᑦ ᓈᒻᒪᒐᓱᐊᖅᓱᓂ ᒪᓕᒐᖃᖁᓪᓗᒍ ᐆᒻᒪᖅᑯᑎᓄᑦ.

ᓯᕗᓂᐊᒍᑦ, ᓄᓇᕗᒻᒥ ᑭᓇᒃᑯᑐᐃᓐᓇᕐᓄᑦ ᐆᒻᒪᖅᑯᑎᖃᖅᑎᑦᓯᕐᒧᑦ ᑲᑎᒪᔩᑦ ᐋᖅᑭᑦᓱᐃᒍᓐᓇ− ᖃᑦᑕᖅᓯᒪᔪᑦ ᑎᒥᐅᓪᓗᑎᒃ. ᐊᑖᓃᑦᓱᑎᒃ ᐆᒻᒪᖅᑯᑎᓄᑦ ᐊᑭᓕᐅᑎᐅᕙᑦᑐᓄᑦ ᑭᒥᕐᕈᓂᕐᒧᑦ ᑲᑎᒪᔨᓄᑦ ᒪᓕᒐᕐᓂ ᑕᐃᒪᐃᒃᑲᓗᐊᖅᑎᓪᓗᒍ, ᑲᑎᒪᔩᑦ ᐅᖃᐅᔾᔨᒋᐊᖅᑎᕈᖅᑎᑕᐅᓚᐅᖅᓯᒪᔪᑦ ᒥᓂᔅᑕᒧᑦ ᑲᒪᒋᔭᖃᖅᑐᒧᑦ ᐆᒻᒪᖅᑯᑎᓕᕆᔨᒃᑯᓐᓂᒃ, ᐃᓚᒋᔭᐅᓪᓗᑎᒃ ᒐᕙᒪᓕᕆᔨᒃᑯᓐᓄᑦ (ᐊᐅᓚᑦᓯᔨᒃᑯᓐᓄᑦ) ᑲᑎᒪᔩᑦ, ᑭᖑᓪᓕᖅᐹᖑᓪᓗᓂ ᐋᖅᑮᒍᓐᓇᖅᑐᖅ ᐆᒻᒪᖅᑯᑎᓄᑦ ᐊᑭᓕᐅ− ᑎᓅᖓᔪᓂᒃ. ᑲᒪᒋᔭᖃᓗᐊᕋᓗᐊᖅᑎᓪᓗᒋᑦ ᑖᒃᑯᐊ ᐆᒻᒪᖅᑯᑎᓄᑦ ᐊᑭᓕᐅᑎᐅᕙᑦᑐᓄᑦ ᕿᒥᕐᕈᓂᕐᒧᑦ ᑲᑎᒪᔩᑦ ᑲᒪᒋᔭᖃᓗᐊᓐᖑᐊᕋᓗᐊᖅᑎᓪᓗᒋᑦ ᑐᑦᓯᕋᐅᑎᖏᓐᓂᒃ ᖁᓪᓕᒃᑯᑦ ᐊᒻᒪᓗ ᑲᒪᒋᔭᖃᖅᑐᖁᑎᒋᔭᐅᔪᒧᑦ ᒥᓂᔅᑕᒧᑦ, ᐊᑖᓃᑦᑐᑦ ᐊᕕᑦᑐᖅᓯᒪᔪᓂ 7 (d) ᐆᒻᒪᖅᑯᑎᓄᑦ ᐊᑭᓕᐅᑎᐅᕙᑦᑐᓄᑦ ᕿᒥᕐᕈᓂᕐᒧᑦ ᒪᓕᒐᕐᓂ, ᑖᒃᑯᐊ ᐆᒻᒪᖅᑯᑎᓄᑦ ᐊᑭᓕᐅᑎᐅᕙᑦᑐᓄᑦ ᕿᒥᕐᕈᓂᕐᒧᑦ ᑲᑎᒪᔩᑦ “ᐅᖃᐅᔾᔨᒋᐊᕆᒍᓐᓇᕐᒥᔪᑦ ᓇᓪᓕᐊᓂᑐᐃᓐᓇᖅ ᒥᓂᔅᑕᒥᒃ ᐃᓱᒫᓘᑎᐅ− ᔪᓂᒃ ᖃᓄᑐᐃᓐᓇᖅ ᐊᑦᑐᐊᔪᓂᒃ ᐊᑭᓕᐅᑎᐅᕙᑦᑐᓄᑦ ᐱᒍᓐᓇᖅᑕᐅᖁᓪᓗᒋᑦ ᐱᖁᑎᐅᔪᑦ ᐱᔨᑦᓯᕋᐅᑏᓪᓗ ᐅᖃᐅᓯᐅᓯᒪᔪᑦ ᒥᓂᔅᑕᒧᑦ ᐅᖃᐅᔾᔭᐅᒋᐊᕈᑎᒋᓯᒪᔭᖏᑦ ᒐᕙᒪᓕᕆᔨᒃᑯᓐᓄᑦ ᑲᑎᒪᔨᓄᑦ ᒪᓕᓪᓗᒋᑦ.” ᑕᒪᓐᓇᐅᔪᕐᓕ ᑖᒃᑯᓄᖓ ᐆᒻᒪᖅᑯᑎᓄᑦ ᐊᑭᓕᐅᑎᐅᕙᑦᑐᓄᑦ ᕿᒥᕐᕈᓂᕐᒧᑦ ᑲᑎᒪᔨᓄᑦ ᑕᑯᔭᐅᑐᐃᓐᓇᕆᐊᓕᒃ ᐊᓯᔾᔨᐸᓪᓕᐊᑎᓪᓗᒍ.

ᐅᐱᕐᖔᖑᑎᓪᓗᒍ 2010ᒥ ᓄᓇᕗᒻᒥ ᒪᓕᒐᓕᐅᖅᑏᑦ ᖄᖏᖅᑎᑦᓯᓚᐅᖅᓯᒪᔪᑦ ᐋᖅᑭᒋᐊᖅᑕᐅ− ᒍᑎᖏᓐᓂᒃ ᑖᒃᑯᐊ ᐆᒻᒪᖅᑯᑎᓄᑦ ᐊᑭᓕᐅᑎᐅᕙᑦᑐᓄᑦ ᕿᒥᕐᕈᓂᕐᒧᑦ ᒪᓕᒐᕐᓄᑦ. ᑖᓐᓇ ᒪᓕᒐᖅ ᐃᓚᓕᐅᑎᓕᓚᐅᖅᓯᒪᔪᖅ ᐅᑭᐊᖑᓕᖅᑎᓪᓗᒍ 2010ᒥ. ᑕᒪᑐᒧᖓ ᐱᓗᐊᓐᖑᐊᖅ− ᑕᕆᔭᐅᓚᐅᖅᑐᖅ ᐃᓚᓕᐅᑎᓪᓗᓂ ᒥᑦᓵᓅᖓᔪᑦ ᐱᓕᕆᓂᐅᕙᑦᑐᑦ ᐅᖅᓱᐊᓗᒻᒧᑦ ᐊᑭᑦᑐᓗᐊ− ᕇᒃᑯᑎᓅᖓᔪᓂᒃ. ᒥᓂᔅᑕᐅᔪᖅ ᑲᒪᒋᔭᖃᖅᑐᖅ ᐆᒻᒪᖅᑯᑎᓄᑦ ᐊᑭᓕᐅᑎᐅᕙᑦᑐᓄᑦ ᕿᒥᕐᕈᓂᕐᒧᑦ ᑲᑎᒪᔨᓂᒃ ᓈᒻᒪᒋᔭᐅᖃᑦᑕᕆᐊᑐᒍᓐᓃᖅᑐᖅ ᒐᕙᒪᓕᕆᓂᕐᒧᑦ ᑲᑎᒪᔨᓄᑦ ᑕᒪᑦᓱᒧᖓ ᐊᑐᓕᖅᑎᑕᐅᑲᐃᓐᓇᕐᓂᖓᓄᑦ ᐅᖅᓱᐊᓗᒻᒧᑦ ᐊᑭᑦᑐᓗᐊᕇᒃᑯᑎᓅᖓᔪᒥᒃ. ᑕᐃᒪᐃᓐᓂᖓᓄᑦ ᐱᓕᕆᓂᐅᔪᖅ ᓱᑲᓐᓂᖅᓴᐅᖃᑦᑕᓕᖅᑐᖅ.

ᑲᑎᒪᔨ	ᓱᓇᓕᕆᔨᐅᓂᖓ
ᑑᓂ ᕉᔅ	ᐃᑦᓯᕙᐅᑕᓕᒃ
ᒍᕇᐊᒻ ᓛᒃ	ᑲᑎᒪᔨ
Robbin R.R. Sinclaire	ᑲᑎᒪᔨ
Nadia Ciccone	ᑲᑎᒪᔨ
Bill Williamsᒃ	ᑲᑎᒪᔨ

ᖃᐅᔨᒋᐊᕐᕕᒃᓴᖅ:
ᐊᐅᓚᑦᓯᔨ
ᐆᒻᒪᖅᑯᑏᑦ ᐊᑭᖏᓐᓂᒃ ᕿᒥᕐᕈᔩᑦ ᑲᑎᒪᔨᖏᓐᓄᑦ
ᖃᐅᔨᒋᐊᓕᖓ: ᐊᖏᔪᖅᑳᑉ
ᑐᕌᕈᑎᖓ 1000, Stn 200
ᐃᖃᓗᐃᑦ, ᓄᓇᕗᒻᒥ, XOA OHO
Tel: 867-975-6054
ᖃᕆᓴᐅᔭᒃᑯᑦ ᐅᕗᖓ: URRC@gov.nu.ca