Menu
English | Inuinnaqtun | Français

ᐊᖏᕋᖅ

ᑲᑎᒪᔩᑦ ᐊᐅᓚᔾᔪᓯᖏᑦ

Nomination Request for Applications
for the URRC

ᑐᒃᓯᕋᐅᑦ ᐅᖃᐅᓯᖃᖁᔨᔪᑦ
ᖃᐅᔨᔪᒪᔭᒥᓂᒃ

ᒪᓕᒐᓕᐊᖑᔪᒪᔪᑦ

ᒪᓕᒃᑕᐅᕙᒃᑐᑦ ᑲᔪᓯᔾᔪᑕᐅᕙᒃᑐᓪᓗ

ᑐᓴᕋᑦᓴᓕᐊᕆᓯᒪᔪᑦ

ᐆᒻᒪᖅᑯᑎᓄᑦ ᒪᓕᒐᖃᖅᑎᑕᐅᔪᑦ
ᑲᑎᒪᔨᓄᑦ

ᒫᓐᓇᐅᔪᖅ ᐆᒻᒪᖅᑯᑎᓄᑦ ᐊᑭᓕᐅᑎᐅᕙᑦᑐᑦ

QEC Documents

ᑐᓴᒐᒃᓴᖅ

1

Nomination Request for Appointments to the URRC


ᒥᓂᔅᑕ ᐱᓕᕆᐊᒃᓴᓕᒃ ᐆᒻᒪᖅᑯᑏᑦ ᐊᑭᖏᓐᓄᑦ ᕿᒥᕐᕈᔩᑦ ᑲᑎᒪᔨᖏᓐᓄᑦ, ᓯᕗᓕᖅᑎ ᐲᑕ ᑕᑉᑑᓇ ᐃᓄᖕᓂᒃ ᕿᓂᓕᖅᐳᖅ ᑲᑎᒪᔨᓄᑦ ᑎᓕᔭᐅᓂᐊᖅᑐᓂᒃ.

ᐆᒻᒪᖅᑯᑎᑦ ᐊᑭᖏᓐᓂᒃ ᕿᒥᕐᕈᔩᑦ ᑲᑎᒪᔨᖏᑦ ᐃᓛᒃᑯᑦ ᐊᐅᓚᑦᑎᔨᐅᕗᑦ ᓄᓇᕗᑦ ᐊᕕᒃᑐᖅᓯᒪᓂᖏᑕ ᒐᕙᒪᖏᓐᓂ, ᐃᖏᕐᕋᓪᓗᑎᒃ ᐊᐅᓚᑕᐅᓪᓗᑎᒡᓗ ᐆᒻᒪᖅᑯᑎᑦ ᐊᑭᖏᓐᓂᒃ ᕿᒥᕐᕈᔩᑦ ᑲᑎᒪᔨᑦ ᐱᖁᔭᖓᑎᒍᑦ.

ᑲᑎᒪᔩᑦ ᑲᒪᒋᔭᒃᓴᖃᓪᓗᐊᑕᖅᐳᑦ ᐃᒡᓗᐃᑦ ᐆᒻᒪᖅᑯᑎᖏᑕ ᒪᓕᒐᖏᓐᓂᒃ ᓄᓇᕗᒻᒥ ᐆᒻᒪᖅᑯᑎᓄᑦ ᐊᑭᓕᖅᓲᑕᐅᕙᒃᑐᑦ ᐊᔾᔨᒌᒃᑎᑕᐅᑦᑎᐊᖁᓪᓗᒋᑦ, ᑕᒻᒪᖅᓯᒪᙱᑦᑎᐊᕐᓗᑎᒃ ᐊᑭᑐᓗᐊᙱᓪᓗᑎᒡᓗ. ᑲᒪᒋᔭᒃᓴᖃᕆᕗᑦ ᐊᐅᓚᑦᑎᔾᔪᑎᖏᓐᓂᒃ ᐃᒡᓗᓄᑦ ᐊᐅᓚᔾᔪᑕᐅᕙᒃᑐᑦ ᐊᑦᑕᕐᓇᙱᑦᑐᒥᒃ, ᓈᒻᒪᒃᑐᒥᒃ ᑲᒪᒋᔭᐅᑦᑎᐊᖅᑐᓂᒡᓗ ᐱᔨᑦᑎᕋᖅᑕᐅᖃᑦᑕᖁᓪᓗᒋᑦ ᐊᑭᓕᖅᓱᖅᑎᑉᐸᒃᑕᖏᑦ. ᑲᑎᒪᔩᑦ ᐱᓕᕆᐊᒃᓴᖃᓪᓗᐊᑕᖅᐳᑦ ᐊᐅᓚᑦᑎᓂᕐᒥᒃ ᐊᑭᓕᖅᓲᑎᓂᒃ ᐅᖃᐅᔾᔨᕙᒡᓗᓂᓗ ᒥᓂᔅᑕᒧᑦ ᐱᓕᕆᐊᒃᓴᓕᖕᒧᑦ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᓐᓄᑦ. ᑲᑎᒪᔩᑦ ᒥᓂᔅᑕᒧᑦ ᐊᑐᓕᖁᔨᔾᔪᑎᓕᐅᖃᑦᑕᖅᐳᑦ ᐊᑭᓕᖅᓱᖅᑏᑦ ᑭᒡᒐᖅᑐᖅᖢᒋᑦ.

ᐊᕐᕌᒍᓄᑦ ᐱᖓᓱᓄᑦ ᑲᑎᒪᔨᐅᖃᑕᐅᓇᔭᖅᐳᑦ. ᐆᒻᒪᖅᑯᑏᑦ ᐊᑭᖏᓐᓄᑦ ᕿᒥᕐᕈᔩᑦ ᑲᑎᒪᔨᖏᑕ ᐱᖁᔭᖓ ᒪᓕᒃᖢᒍ, ᑎᑎᕋᖅᓯᒪᔪᑦ ᐃᓚᖓ 3 (4)-ᒥ, ᒐᕙᒪᒃᑯᓐᓂ ᐃᖅᑲᓇᐃᔭᖅᑎᐅᔪᒥᒃ ᑎᓕᔭᐅᔪᖃᕆᐊᖃᙱᓚᖅ ᕿᒥᕐᕈᔩᑦ ᑲᑎᒪᔨᖏᓐᓄᑦ ᐃᓚᒋᔭᐅᓂᐊᖅᑐᒥᒃ. ᑖᒃᑯᐊ ᐃᓂᒃᓴᖅᑕᖃᓕᖃᑦᑕᕐᓂᐊᖅᐳᑦ “ᐱᔭᕆᐊᖃᖅᑐᖃᓕᕌᖓᑦ”. ᑖᓐᓇ ᐅᓪᓘ ᐃᓚᐃᓐᓇᖓᓂ ᐅᓪᓗᓕᒫᕐᓘᓐᓃᑦ ᐃᖅᑲᓇᐃᔮᒃᓴᐅᙱᑦᑐᖅ. ᑕᐃᒃᑯᐊ ᐱᔪᒥᒍᓱᒃᑐᑦ, ᐱᓕᕆᖃᑕᐅᔭᕆᐊᖃᓕᕌᖓᒥᒃ ᖃᖓᑐᐃᓐᓇᑦᑎᐊᖅ ᐊᑐᐃᓐᓇᐅᖃᑦᑕᕆᐊᖃᕐᓂᐊᖅᐳᑦ. ᐊᒻᒪᓗ ᐊᐅᓪᓚᖅᓯᒪᔪᓐᓇᕆᐊᖃᕐᓗᑎᑦ ᐱᓇᓱᐊᕈᓯᕐᓄᑦ ᖃᔅᓯᑲᓪᓚᖕᓄᑦ, ᐊᕐᕌᒍ ᐃᓗᐊᓂ ᖃᔅᓰᖅᓱᐊᕐᔪᒡᓗᑎᒃ ᐊᐅᓪᓚᖃᑦᑕᕋᔭᖅᑐᑦ ᑭᓯᐊᓂ ᖃᖓᑐᐃᓐᓇᖅ ᐊᐅᓪᓚᖅᐸᒡᓗᑎᒃ. ᐊᑭᓕᖅᑕᐅᔾᔪᑏᑦ “ᑲᑎᒪᔭᖅᑐᖅᓯᒪᔪᓂᒃ ᒪᓕᖃᑦᑕᕐᓂᐊᖅᐳᑦ” ᓄᓇᕗᒻᒥ ᑮᓇᐅᔭᓂᒃ ᐊᐅᓚᑦᑎᔾᔪᑎᓄᑦ ᐊᑐᖅᑕᐅᔭᕆᐊᓖᑦ ᒪᓕᒡᓗᒋᑦ. ᑎᓕᐅᕆᔾᔪᑦ ᓈᓴᐅᑎᓕᒃ: 810-ᒥᒃ. ᖃᕆᓴᐅᔭᒥᒃ ᐊᑐᐃᓐᓇᖃᕆᐊᓕᒃ ᑎᑎᖅᑲᐅᓯᐊᕈᑎᒃᓴᖏᓐᓄᑦ ᐊᒻᒪ ᐅᖃᓘᑎᖃᕆᐊᓕᒃ ᐅᖃᓘᑎᒃᑯᑦ ᑲᑎᒪᖃᑦᑕᕆᐊᖃᕐᓂᐊᕐᒪᑕ.

ᑲᑎᒪᔩᑦ ᐱᓇᔫᑎᖏᓐᓂᒃ ᕿᒥᕐᕈᖃᑦᑕᖅᐳᑦ ᑭᒃᑯᑐᐃᓐᓇᐃᑦ ᐃᒡᓗᖁᖏᑕ ᐆᒻᒪᖅᑯᑎᖏᓐᓂᙶᖅᑐᓂᒃ ᓄᓇᕗᒻᒥ ᐃᖏᕐᕋᔪᓂᒃ ᐊᑭᖏᑦ ᐱᔾᔪᑎᒋᓪᓗᒋᑦ ᐊᑭᖏᑕᓗ ᐋᖅᑭᒃᓯᒪᓂᖏᑦ. ᒫᓐᓇᐅᔪᖅ ᖁᓪᓕᖅ ᐆᒻᒪᖅᑯᑎᓕᕆᔨᒃᑰᓪᓗᑎᒃ. ᑲᑎᒪᔩᑦ ᐊᐅᓚᑦᑎᖃᑦᑕᕆᕗᑦ ᐅᑯᓂᖓ ᐊᑯᓂᐊᓗᒃ ᐊᑭᓕᒃᓴᕆᔭᐅᔪᓂᒃ, ᐊᑭᑐᔫᑎᓄᑦ ᐊᑭᓕᐅᑕᐅᔪᕕᓂᕐᓂᒃ, ᐊᑭᓕᖅᓱᓚᐅᑲᒋᐊᓕᖕᓂᓪᓗ.

ᑲᑎᒪᔨᒃᓴᓂᒃ ᓂᕈᐊᖃᑦᑕᖅᐳᑦ ᖃᐅᔨᒪᓂᖏᑦ, ᐊᔪᙱᓐᓂᖏᑦ ᐱᓕᕆᖃᑦᑕᖅᓯᒪᓂᖏᓪᓗ ᒪᓕᒃᖢᒋᑦ. ᑲᑎᒪᔩᑦ ᐃᒪᐃᑦᑕᕆᐊᖃᖅᐳᑦ:

  • ᐊᔾᔨᒌᙱᑦᑐᓂᒃ ᓇᖕᒥᓂᖃᕐᓂᕐᒧᑦ ᐊᐅᓚᑦᑎᔾᔪᑎᓂᒡᓗ ᐱᓕᕆᖃᑦᑕᖅᓯᒪᓗᓂ ᐃᑲᔫᑕᐅᔪᓐᓇᕋᔭᖅᑐᓂᒃ ᑲᑎᒪᔨᑦ ᐊᐅᓚᓂᕆᔭᖏᓐᓄᑦ.
  • <ᐱᕕᒃᓴᖃᓪᓚᕆᖃᑦᑕᕆᐊᓕᒃ ᐱᓇᔪᒍᓐᓇᑦᑎᐊᕐᓗᓂᓗ ᑭᒃᑯᑐᐃᓐᓇᓂᒃ ᑐᓴᕋᓱᒃᑎᓪᓗᒋᑦ ᑲᑎᒪᓂᑐᐃᓐᓇᕐᒥᐅᙱᑦᑐᖅ ᑭᓯᐊᓂ ᐱᔭᕆᐊᖃᕌᖓᑕ ᖃᐅᔨᓴᖃᑕᐅᔪᓐᓇᕐᓗᓂ ᐊᑲᐅᙱᓕᐅᕈᑎᓂᒃ ᑲᑎᒪᔨᓄᑦ ᐱᓕᕆᐊᒃᓴᙳᖅᑎᑕᐅᔪᓂᒃ.
  • ᐊᔪᙱᓂᖃᕐᓗᓂ ᐊᑑᑎᖃᕐᓗᓂ ᑲᒪᒋᔭᖃᕈᓐᓇᑦᑎᐊᕐᓗᓂᓗ ᑲᑎᒪᔨᐅᖃᑕᐅᔪᓐᓇᖁᓪᓗᒍ.
  • ᓄᓇᕗᒻᒥ ᐃᒻᒥᒃᑯᑦ ᐊᒡᕕᐊᕈᑎᖃᕐᓂᕐᒧᑦ ᐊᑐᐊᒐᐃᑦ ᐊᑐᖅᐳᑦ.

ᑲᑎᒪᔨᑦ ᐱᓕᕆᐊᒃᓴᖏᓐᓂᒃ ᓇᓗᓇᐃᔭᖅᓯᒪᑦᑎᐊᖅᑐᓂᒃ ᐱᔭᐅᔪᖃᕈᓐᓇᖅᐳᖅ ᐊᐱᕆᓗᓂ ᐅᕝᕙᓘᓐᓃᑦ ᐆᒻᒪᖅᑯᑎᑦ ᐊᑭᖏᓐᓂᒃ ᕿᒥᕐᕈᔩᑦ ᑲᑎᒪᔨᖏᑕ ᐃᑭᐊᖅᑭᕕᖓᓄᐊᕐᓗᓂ.

ᓂᕈᐊᒐᒃᓴᓕᐅᕈᑏᑦ ᐱᔭᐅᓯᒪᔭᕆᐊᖃᖅᐳᑦ ᓯᑎᐱᕆ 30, 2014 ᑐᖔᓂ.

ᑐᑭᓯᒋᐊᒃᑲᓐᓂᕈᒪᒍᕕᑦ ᐅᕗᖓ ᑕᑯᒋᐊᕈᓐᓇᖅᐳᑎᑦ www.urrc.gov.nu.ca/ik/councilmembers
ᐅᕝᕙᓘᓐᓃᑦ ᐅᖃᓗᒡᓗᑎᑦ 867-975-6054-ᒧᑦ
ᐱᔪᒥᓴᐅᑏᑦ ᐅᑯᓄᖓ ᓇᒃᓯᐅᑎᓗᒍ:
ᑎᑎᖅᑲᒃᑯᕕᒃᑯᑦ: Nunavut Utility Rates Review Council
c/o Executive Director
P.O. Box 1000, Stn 200
Iqaluit, Nunavut
X0A 0H0

ᐃᕐᙲᓐᓈᖅᑕᐅᒃᑯᓪᓘᓐᓃᑦ: URRC@gov.nu.ca

(C) Copyright 2011 URRC